Na entrada pola Praza de Pío XII, o visitante atópase coa maxestuosa fachada neoclásica, onde se atopan representados San Froilán, San Capitón nas torres, que datan de finais do século XIX.
Xa no interior, conserva o estilo románico dos séculos XII e XIII, cunha fermosa xirola con capelas absidiais do século XIV.
Na Capela Maior venérase ó Santísimo Sacramento desde a Idade Media ininterrompidamente e o seu estilo é neoclásico, tamén aquí atópase o impresionante coro taiado en madeira de nogueira polo Mestre Moure (1624).
Tamén é interesante visitar a Capela da Virxe dos Ollos Grandes de estilo barroco construida polo célebre Fernando de Casas, autor tamén da Fachada do Obradoiro compostelá. A Capela de San Froilán onde se atopa a escultura do patrón da cidade obra do mestre Francisco de Moure. Finalmente é interesante visitar o claustro barroco que alberga o antigo escudo do Reino de Galicia.
O Museo Catedralicio, situado no triforio da catedral, expón pezas de Arte sacro, non é accesible para usuarios en cadeira de rodas pero sí para persoas con outro tipo de minusvalías e débese considerar que para acceder hai que subir 54 escaleiras.
Horario:
Horario de apertura de 11:00 – 13:00, pola tarde hai que pedir cita previa no teléfono 982 22 04 66.
Accesibilidade:
Accédese ao través do atrio sito na Praza de Pío XII. Para chegar ao atrio hai uns itinerarios accesibles que bordean os muros do recinto. Unha vez dentro do atrio, a pavimentación é sumamente irregular polas distintas losetas que o compoñen e accédese por unha rampa sita na parte esquerda da fachada do atrio. Recoméndase a axuda dunha terceira persoa para a realización do itinerario dende o atrio ata a entrada da Catedral pola irregularidade do terreo. Unha vez dentro non hai maior problema. Ao Coro da Catedral pode entrarse por unha porta lateral sita en fronte da fachada norte da Catedral. Esta porta da acceso ao Coro onde hai un escalón duns 10 cm que hai que salvar para poder entrar. Capilla da Virxen dos Ollos Grandes accesible e Claustro accesible. Museo Catedralicio non accesible por estar sito no triforio.
Ubicación:
Ver en Google Maps
